ИККИ ШИЛҚИМ ЭРКАКНИ ДЎППОСЛАГАН ҚИЗ ЖИНОИЙ ЖАВОБГАРЛИККА ТОРТИЛАДИ

Наманганда 23 яшар қиз йўл бўйида унга гап отиб шилқимлик қилган икки эркакни аёвсиз дўппослади. 

33 ва 30 яшар икки эркак Зарбдор маҳалласидан ўтган йўл бўйида қизга гап отишган – тегажоқлик ва шилқимлик ҳолати бўлмаган. Бироқ шилқим гаплар мазмунини кўтаролмаган қиз уларни дўппослаб, тепкилаб тан жароҳати етказган.

Дастлабки терговда эркакларнинг шилқимлик қилгани исботсиз кўрсатма деб баҳоланди. Тергов департаменти билдирган муносабатга кўра, ақли расо, ҳуши жойида бўлган қиз ёруғ кунда ўз-ўзидан  икки эркакни уриб ташлаган. 

Муштумзўр қиз устидан жиноят иши қўзғатилиб тергов ҳаракатлари олиб борилмоқда.