Эски шофиркон мажбурий пахта теримида

Эски ва янги Ўзбекистоннинг принципиал фарқи пахтада. Яъни расман янги Ўзбекистонда мажбурий пахта терими йўқ. 

Лекин Шофирконда Сув таъминоти корхонаси ходимлари оммавий равишда пахта теримига жалб қилинмоқда. Корхонага иши тушиб келган фуқаролар ходимлар ва ташкилот раҳбарини излаб ҳалак.

«Ҳамма сувчилар мажбурий теримда. Туман қишлоқларига эса ичимлик суви етиб бормаяпти. Масалан, туманнинг Жўйрабод қишлоғидаги хонадонларга 15-20 кундан бери ичимлик суви чиқмади» – дейди туман аҳолиси.

Янги Ўзбекистон қачон эски тузумга қайтди? Пахта бўйича ими-жимида Каримовча усулни қўллаб фуқароларги теримга қувиш кимнинг «инновацион» ғояси? Туман маъмурияти ўзбошимчалик билан терим ташаббусини қўлга олганига ишониш қийин. Буйруқ берган Қишлоқ хўжалиги вазирлигими ёки Президентнинг агро маслаҳатчиси?