Eski shofirkon majburiy paxta terimida

Eski va yangi O‘zbekistonning printsipial farqi paxtada. Ya'ni rasman yangi O‘zbekistonda majburiy paxta terimi yo‘q. 

Lekin Shofirkonda Suv ta'minoti korxonasi xodimlari ommaviy ravishda paxta terimiga jalb qilinmoqda. Korxonaga ishi tushib kelgan fuqarolar xodimlar va tashkilot rahbarini izlab halak.

«Hamma suvchilar majburiy terimda. Tuman qishloqlariga esa ichimlik suvi yetib bormayapti. Masalan, tumanning Jo‘yrabod qishlog‘idagi xonadonlarga 15-20 kundan beri ichimlik suvi chiqmadi» – deydi tuman aholisi.

Yangi O‘zbekiston qachon eski tuzumga qaytdi? Paxta bo‘yicha imi-jimida Karimovcha usulni qo‘llab fuqarolargi terimga quvish kimning «innovatsion» g‘oyasi? Tuman ma'muriyati o‘zboshimchalik bilan terim tashabbusini qo‘lga olganiga ishonish qiyin. Buyruq bergan Qishloq xo‘jaligi vazirligimi yoki Prezidentning agro maslahatchisi?