Россиядан Марказий Осиёга чўчқа аралашган мол гўшти консерваси жўнатилди

Россия яна мол гўштига чўчқа гўштини қўшиб сотишди — бу сафар Марказий Осиёдаги ҳамкорларга мўлжалланган мол гўшти консервасига.

«Орелпродукт»нинг «Семейный бюджет» маркали мол гўшти сифатида қадоқланган консервасидан чўчқа ДНКси топилди.

Бу консерва билан Россия армияси озиқлантирилган, шунингдек, Тожикистон, Қозоғистон, Қирғизистон, Ўзбекистон ва Озарбайжонга жўнатилган — бу давлатларда аҳолининг аксарияти Ислом динига эътиқод қилади ва улар учун чўчқа гўшти харом қилинган.