Элчи атай келган кўргазмадан мулозимлар нега қочди?

Буюк чех импресcионисти асарини чех элчиси Урганчда тақдим қилди

Урганч замонавий санъат музейида Германиядаги “Юзук” ташкилоти тарафидан 20-асрдаги буюк импресcионист рассом Отто Бубинечекнинг қимматбаҳо асари музейга совға қилинди.

Тақдимот маросимида Чехия республикасининг Ўзбекистон, Туркманистон ва Тожикистондаги фавқулодда ва мухтор элчиси Васлав Йилек мамнуният билан қатнашди. Лекин тадбирда Ўзбекистон маданий мерос идораси Хоразм вилоят ва Урганч шаҳри амалдорларидан бирор киши қатнашмади.

Ваҳоланки асар Ўзбекистоннинг Франкфуртдаги бош консулхонаси, Ташқи ишлар вазирлиги, Ўзбекистон-Чехия дўстлик жамияти иштирокида Ўзбекистонга олиб келинган эди. Тадбирда сўзга чиққан элчи Васлав Йилек тасвирий санъатнинг халқлар ўртасида мустаҳкам кўприк бўла олишини Урганч музейи мисолида кўрганидан мамнуният изҳор қилди:

(видео, элчи).

Ҳали Чехия давлати ташкил бўлмасидан олдин ўтган аср ўрталарида музей атрофида миллат бирлаша олишини айтган рассом Отто Бубинечек Урганч музейига ҳадя қилинган асари ҳақида Германиядан ташриф буюрган “Юзук” ташкилоти раҳбари Дилбар Ғаффорова гапирди.

(видео, Дилбар Ғаффорова).

Шунингдек, “Юзук” ташкилоти “Миллий меросга менинг туҳфам” деган умуммиллий дастур доирасида ҳозирда Америкада яшаётган рассом Даврон Йўлдошевнинг “Оназамин”, ҳозир Германияда истиқомат қилаётган рассом Шуҳрат Бобожоновнинг “Арслон ови” ранг-тасвир асарларини ҳам музейга беғараз ҳадя қилди.

Тадбирда Ўзбекистон замонавий музейи директори Ширин Тошева берилган совғалар юзасидан миннатдорчилик билдирди ва элчи жаноби олийларига Урганч музейи ҳақидаги китобни тақдим қилди.

Замонавий ўзбек рассомларининг минглаб асарларини ўз ичига олган Урганч музейи 1984-йилда БМТ маданият идораси ЮНЕСКО қўллови билан очилган эди.

Кўрсатувларимизни кузатиб боринг, Элтуз Ўзбекистон маданияти ва санъатига оид янгиликларни ёритишда давом этади. Каналимизга обуна бўлишни унутманг.