Халқ депутатлари кенгашлари орасида ҳудудий айирмачилик

Навоий вилояти Халқ депутатлари кенгаши ходимлари турли ҳудудлардаги кенгашларга тенг маблағ ажратилмаётганидан норози.

Масалан, Президент Фармони билан Тошкент шаҳар Кенгашларига йирик маблағлар ажратилган. Бошқа вилоят кенгашларига бундай иқтисодий имтиёзлар берилмади.

Иш ҳажми бир хил, юқоридан келадиган топшириқлар бир хил лекин ойлик ва устама масалалари ҳар хил бўлиб қолмоқда.

Тошкент шаҳри халқ депутатлар кенгашларига қўшимча маблағ ажратилаётган, устамалар тўланаётган бир пайтда вилоят кенгашиларида ўртача маош 3 миллион сўм атрофида.

Пойтахт ва вилоят кенгашлари таъминотидаги фарқ нимага асосланади? Кенгашлар орасида ҳудудий айирмачиликни қандай изоҳлаш мумкин?