Қаттиққўл ўқитувчи устидан жиноят иш очилди

Фарғонадаги ўрта мактабнинг биринчи синф ўқувчиларига дарс пайтида қўл кўтариб ҳақоратлаган ўқитувчи аёлга нисбатан жиноят иши қўзғатилган.

Март бошида ўкитувчининг биринчи синф ўқувчиларини уриб сўккани акс этган видеоси тарқалганидан сўнг мактаб директори ва ўқитувчи ишдан бўшатилган эди.

Элтузга маълум бўлишича, ўқувчиларни калтаклаш воқеаси шу уқитувчининг намунали дарси барбод бўлгани ортидан юз берган.

Видеони практикант қиз суратга олган.

Март ойининг бошида ижтимоий тармоқларда Сурхондарё вилоятидаги «разборщик» боғча опанинг болаларни пичоқ билан қўрқитиб таҳкирлагани видеоси тарқалиб, муҳокамага сабаб бўлган эди.

Бу воқеаларни ҳажв қилган рассом Туз назарида боғча, мактаблардаги «қаттиққўл тарбия» занжирнинг халқалари каби боғланган.

Оилада калтакланган болалар ўз навбатида боғчада ва мактабда тақкирланишда давом эттишади.

Шу тариқа рахбарларга гап кайтара олмайдиган, ўз ҳаққини талаб қила олмайдиган ҳуркак авлод етишиб чиқади.

Рассом Туз
Eltuz.com