Мирзиёев 300 миллионлик янги учоқни қайси пулга олди?

Мамлакат турғунларининг бузилаётган уйлари учун бозор нархида товон талаб қилиши очкўзлик экан. Президент самолёти учун 300 млн. тўланса, майли.

Нима энди, беравуринглар! Халқда пул бор-ку. Газ-свет-сув нархи қанча оширилмасин, тўлашаяпти. Бензин нархини қанча оширишса ҳам харид қилишяпти-ку.

Президент аллақачон бизнинг ҳисобимиздан ўзига янги резиденциялар қурди. Ўз кортежини кенгайтирди, минимум иккита автоматчилар машинаси қўшилди.

Триатлон гўё мамлакат учун энг зарур нарса каби бизнинг ҳисобимиздан ривожлантириляпти. Тағин айни (президент учоқлари) борти учун Тузелда махсус аэропорт қурилиб, унинг остига тушадиган уйларни бузишаркан.

Гарчи ҳукуматнинг янги давлат шифохоналари, давлат мактаблари ва боғчалар қурилишига пули йўқ. Саратонга учраган болаларимизни даволатиш учун бутун дунёдан хайрия йиғамиз. Гарчи ижтимоий уйлар Анталия ва Москва атрофидаги уйлар нархида сотилмоқда. Гарчи ипотекани 24%га беришяпти.

Эй сиз, мансабдаги мирзалар, АОКА мулозимлари, ўз президентингизга эслатинг, у хорижда қашшоқ бир мамлакатни тамсил қилади. Бунинг устига, энди давлат ташрифлари тугаб қолди, чет элга энди кўплаб сафар қилинмайди, энди асосан МДҲ ва ШҲТ бўйича борилади, холос. Демак, самолёт бекор туриб қолади. Ёки президент оиласи ўз ишлари билан учадими?

“Кўрпангга қараб аёқ узат”, деган мақол бор. Бу гап фақат инсофли ўғриларгагина тегишли эмас.

Фарида Шарифуллина
Фейсбукдаги «Ташкент-СНОС» гуруҳи блогери
Элтуз таржимаси