Рассом Туз: Америкада кампит ўмарган жодугар опошлар

Океаннни ошиб ўтиб Америка Қўшма Штатларига келдим. 

Вашингтондаги паспортчи қиз «сафардан мақсад?» деб сўради. Мен бу қизга «Американи дунë картасида илк бор бовом Беруний белгилагани ва бу картани араблар Андалузияга олиб келишгани ва карта кўчириш билан тирикчилик қиладиган Христофор Колумб бу карта орқали Америкага келганини» айтиб бердим. Бу қизгина ҳикоямни завқ билан эшитиб: «Welcome to the homeland» дея табассум билан эшикни очди. 

Трамп Америкаси мулозимларининг келгиндиларга нафрати ҳақидаги чўпчак бу қиз соясида чиппаккка чиқди. 

Келган куним жодугарлар байрамига тўғри келди. 

Саудия шаҳзодаалри ҳам кўтига қуйруқ тақиб, шайтон маскасини кийиб қутлаган Halloween АҚШда ошиғич шанлик билан қутланганини кўрдим.

Ҳар бир маҳалланинг қоғоз газетасида Halloween ўтказиш жоизлиги уқтирилиши билан тартиб тузуклари ҳам тушунтирилди.

Ҳовли олдидаги ажриқзорга стол қўйиб устига ширинликлар қўйилиши ва иложи бор қадар уй эгаси Halloween услубида мушук ëки азроил кийимини кийиб: «олинг олинг» деб туриши жоиз.

Шу билан бирга «сроки ўткан» ва «шубҳали» ширинликлар бериш тақиқлангани ҳам уқтирилди.

Ширинлик тарқатилган кўчаларда ўша куни полис ва пожар мошинлари «аққа баққа » ўтибам туришди. Полис амакилар ҳам болаларга ширинлик тарқатди.

Ширинликлар болаларга аталган. Хирсдай хотину эркакларнинг кампитга ëпирилиши одобсизлик саналади.

Бир икки йўқсул маҳаллада яшайдиган қора танли ота-эналарнинг мошинга миниб, бой ва ўртаҳол маҳаллаларга бачаларини обориб «кампит тердирганини» кўрдим. Лекин бу ҳолатда ҳам болалар бориб, ҳар уй олдидаги столдан иккита учта кампит олишди. Одобу мулозамат жойида.

Айни пайтда Америкада Halloween бўлган куни тармоқда «кампитга ташланаëтган катта катта жувон опалар» видеоси тарқалди. Болалар битта битта олсин дея қўйилган тобоқни «ўптим » тўрвасига онтараëтган бу холалар менга Ташкента текин пайпоқ учун бир бирини кўтини тишлаган опошларни эслатди.

Halloween байрамидаги асл жодугарлар шу хотинлар эди.