ВГИК – Путин пропагандаси карнайи

Муқаддам бутун иттифоқ киночилари учун институт бўлган, ҳозирда Россия санъатини намоён қилиши кўзда тутилган олийгоҳ мутлақо ёт ғоялрни тарғиб этувчи маконга айланди. 

Биз, Ўзбекистон фуқаролари,  ВГИКда миллий кинематографиямизни ривожлантирамиз деб ўқиб юрибмиз. Бизга рус дунёси ҳақидаги тарғиботлар ҳам,  махсус операцияни оқловчи пропаганда ҳам қизиқ эмас. 

Руслар учун кино ҳалиям асосий санъат тури ҳисобланади.  Улар кино борасида Ленин васиятига ҳалиям тўлиқ амал қилганлари сабаб ҳар дарсимиз пропагандага айланади. 

Энди эса биз, ВГИК талабалари, Путин фонди орқали рус тилини тарғиб қилиш воситасига айландик. 16 филиал орасида айнан бизнинг бўлим Ўзбекистонда рус тилини тарғиб қилувчи воситага айланди, чунки ВГИК ректори Путиннинг вакили сифатида бу масъулиятни ўз зиммасига олди. У филиални Ўзбекистонга муҳаббатидан эмас, бу ерда, Ўзбекистонда рус мафкурасини тарғиб қилиш мақсадида очган. 

Безруковга қарши танқидлар фонида ВГИК ректори Путиннинг Президент Маданий ташаббуслар жамғармаси кўмагида ушбу фильмни Реннесанс кинотеатрида намойиш қилдирди. Озод Ўзбекистоннинг уйғониш даври шарафига номланган Реннесанс кинотеатрида Россиянинг пропаганда киноси намойиш этилмоқда. 

Икки хил стандартлар. Ўлмаган қул ҳали бундан баттарларини ҳам кўравераркан.