Оқни қора дейдиган замонлар ўтиб кетдими?

Наврўз мавзусини давом эттирган «Адолат» газетаси бу байрам эскилик сарқити, диний маросим сифатида тақиқланган, ҳатто коммунист амалдорлар қишлоқма-қишлоқ юриб, сумалак тўла дошқозонларни ағдариб ташлаган замонлар бўлганини иддао қилади.

«Оқни қора, қорани оқ дейдиган замонлар қўрқинчли туш каби ўтиб кетди. Биз энди соғлом ақл, тафаккур, онг-шуур ва юксак маънавият ҳукмронлик қилаётган, эркинлик ва адолат устувор юртда… инсон қадрланадиган, унинг ҳуқуқлари кафолатланган… ўлкада истиқомат қиляпмиз», дейди газета.

Умуман, мақолани ўқибоқ, оқни оқ, қорани қора дейдиган замонлар ҳали ўтганга ўхшамайди-ку, деган фикр кечади хаёлдан.

«Биз бугун ёруғ, фаровон ўлкада… ҳаёт кечирмоқдамиз», деган сўзлар кунлаб чироғи ёнмайдиган, оиласини боқиш учун хорижда ойлаб-йиллаб хўрланиб меҳнат қилаётган ватандошларимизга туҳматдек туюлади.

Eltuz.com