«Огоҳлик» маршининг олд сафларида…

Ўзбекистондаги партияларнинг нашрларини кўздан кечириб, уларнинг парламентдаги депутатларига ўз сайловчилари билан огоҳлик, ҳушёрлик, «ёт ғояларга қарши кураш» мавзуларида учрашувлар ўтказиш вазифаси юкланганига гоҳ бўласиз.

Хусусан, «Адолат» газетаси партия фракциялари аъзолари ўз сайловчилари билан «Тинчлик, осойишталик ва барқарорлик – жамият тараққиётининг муҳим омили» мавзуида маънавий-маърифий суҳбатлар ташкил этаётгани ҳақида ёзди.

Партиянинг ҳали коллеж ўқувчиси (!) бўлган аъзосининг мана шундай учрашувлар ҳақидаги фикрлари қуйидагича: «Ҳар хил тоифадаги ғаламис кучлар аҳоли, хусусан, ёшлар онгини заҳарлаш учун турли йўл ва воситаларни ишга солаётганликлари сир эмас.

Биз ёшларда мафкуравий иммунитетни мустаҳкамлаш учун фаол тарғибот олиб боришимиз даркорлигини яна бир бор ҳис этдик».

Ҳали она сути оғзидан кетмаган бу партия аъзоси тарғиботга бунчалик ишқибозлиги унинг катта устозларидан яхши сабоқ олганидан бир дарак.

Eltuz.com