Ноқонуний дори-дармон савдогарлари қўлга олинди

Ўзбекистон дорихоналарда сотиладиган дори-дармонларнинг анчагина қисми ноқонуний йўллар билан олиб кирилиши ёки қалбаки экани тўғрисида кўп айтилади.

«Диёнат» газетаси мана шу айтувларда жон борлигини тасдиқловчи мақола эълон қилди.

Унда айтилишича, қирғизистонлик таниши билан келишган ўзбекистонлик икки фуқаро юртимизга муайян ҳақ эвазига қўшни давлатдан катта миқдордаги дори-дармонни ноқонуний равишда ўтказиб беришга рози бўлган.

Ўзбекистонлик фуқаролар бешта эшакка дори-дармонни ортиб, айланма йўллар билан қирлар оралаб ўтаётганда чегарачилар томонидан қўлга олинган.

Улардан 19 турдаги 4364 та, умумий қиймати 62 миллион сўмликдан ортиқ дори-дармон мусодара қилинган.

Жиноятчилардан бири 8 йилу 1 ой, иккинчиси 6 йил 3 ой муддатга озодликдан маҳрум этилган.

Eltuz.com