Ўзбекистонга Абдулла Орипов Бош вазир бўлди

Ўзбекистон Олий Мажлиси сенати ва Қонунчилик палатасининг қўшма мажлисида Абдулла Орипов номзоди Бош вазирликка тасдиқланди.

Телекоммуникация соҳасидаги коррупциялар боис ишдан кетган ва Каримов ўлимидан сўнг ҳукумат таркибига қайтган 55 ёшли Арипов номзоди Президент Шавкат Мирзиёев томонидан таклиф этилгани айтилади ҳукумат нашлари тарқатган хабарларда.

Сенат мажлисида шунингдек, Мирзиёев Бош вазир лавозимидан озод қилинди, ҳукуматнинг бутун таркиби билан истеъфога чиқарилди.

Халқаро порахўрлик ишидаги коррупционерларнинг бири

Абдулла Орипов 2012 йили ўзбек телеком тизимидаги президентнинг қизи Гулнора Каримов доҳил порахўрлик можароси сабаб ишдан четлатилган эди.

Коррупцион битимлар тузиш ташаббуси президент Каримовнинг қизига тегишли бўлсада, офшор ширкатларга кейинчалик расман халқаро мобил операторларига сотиш учун частота ва лицензияларни ажратиш ўша вақтда Абдулла Орипов раҳбарлик қилаётган Ўзбекистон алоқа ва ахборотлаштириш агентлиги буйруғи билан расмийлаштирилиши, шунингдек бунга Бош вазирнинг ўзи ижозат бериши керак эди.

Бу ўринда шахсий жавобгарлик алоқа ва ахборотлаштириш агентлиги ўша пайтдаги раҳбари, телекоммуникация секторидаги коррупцион можаролар сабабли 2012 йилда бош вазир ўринбосари мансабидан қувилган, жорий йилда ҳукумат сафига тикланиб, 2016 йилнинг 14 декабрида бош вазир лавозимига тайинланган Абдулла Орипов зиммасига тушади.

Абдулла Ориповнинг ҳукумат рахбари этиб сайланишига Сенат залидаги 92 Сенат аъзосининг 83 нафари ва Қонунчилик палатасининг 142 депутатидан 124 нафари овоз бергани билдирилади бугунги ҳукумат хабарларида.

Eltuz.com