Тошкентда Киночилар уйидаги санъат асарлари вайрон қилинишини суратга олган журналист ҳибсга олинди

12 декабр куни таниқли мустақил журналист, 45 ёшли Сид Янишев Тошкент шаҳридаги 61-милиция таянч пункти ходимлари томонидан ҳибсга олинди. Уни милиция ходимлари Киночилар уйидаги санъат асарлари вайрон қилинишини суратга олаётган пайти ушлашган.

Тошкент вақти билан соат 15:50 да «Элтуз» нашри мухбири Сид Янишев билан бир лаҳза боғланишга муваффақ бўлди:

«УВДга олиб кетишяпти! Тамом, гапириш мумкин эмас!», дейишга улгурди у «Элтуз» мухбири қўнғироғига жавобан.

Сид Янишевнинг фейсбук орқали кейинчалик хабар қилишича, уни 6 соатгача ушлаб, кечқурун қўйиб юборишган.

Сид Янишев илгари рус тилидаги «Бизнес-Вестник Востока», «Зеркало XXI» рўзномалари мухбири бўлган. «Газета.ру», «Ferghana.ru», IWPR нашрлари билан ҳамкорлик қилган. У Марказий Осиё ПЕН-клуби аъзоси ҳамдир.

Eltuz.com