«Унитаз ўзгаргани билан ичидаги ўзгармайди»

Ўзбекистонда МХХ (Миллий хавфсизлик хизмати) ДХХ (Давлат хавфсизлик хизмати)га айланди.

Айни пайтда идоранинг асосий вазифалари принципал тарзда ўзгаргани йўқ. ДХХ эски СССР замонидаги ДХК (Давлат хавфсизлик қўмитаси – КГБ)ни эсга солади.

Боз устига, эмблема сифатида СССРдаги жазо тизими – КГБ тимсоли деярли ўзгаришсиз олинди. Билишимизча, битта ҳарф ўзгаргани билан тизимнинг моҳияти ҳануз ўзгаришсиз қолмоқда.

Рассом Сергей Игнатьев бу ҳолатни “Унитаз ўзгаргани билан ичидаги ахлат ўзгармайди”, дея ўзининг ФБдаги саҳифасида ëзди.

Игнатьевнинг ҳамкасби рассом Кирпи эса Ўзбекистон хавфсизлик тизимининг янги идорасини катта матрёшка ичидан чиққан жажжи нусха сифатида кўради. КГБнинг ичидан МХХ чиқди, унинг ичидан ДХХ чиқди.

Шунинг айнан ўзи, фақат сал кичикроқ.

Рассом Кирпи
Eltuz.com