Ўзбеклар Россия кўчаларидан уруш асирлари каби олиб ўтилди

Россиянинг Тула вилоятида 20 октябрь куни 300 дан зиёд мигрант шаҳар кўчаларидан ҳарбий асирлар каби, бир-бирининг елкасига қўлларини қўйганча, намойишкорона олиб ўтилди.

Мигрантларнинг аксарияти Ўзбекистондан. «Теле Тула» ТВ канали кўрсатувида уларнинг ўзлари билан яшил ўзбек паспортини олиб олишганини кузатиш мумкин.

Тула полициясига кўра, таҳқирли сафга тиркалган жами 300 шахсдан атиги 35 нафаригина мигация қонунчилигини бузгани ва уларга маъмурий чора кўрилган.

Россиянинг Тула вилояти нафақат ўзбек гастербайтерлари, балки ўзбек МХХ (ҳозирги ДХХ)нинг собиқ раиси Иноятов оиласига тегишли $80 миллионлик парранда империяси билан ҳам машҳур.

Тула вилоятида ўзбек мигрантларига нисбатан Россия полициясининг таҳқиромуз ҳаракати Путин ва унинг мингдан зиёд мулозимининг Ўзбекистонга ташрифи юзасидан якуний йиғилиш ўтган кунга тўғри келди.

Eltuz.com