Тошкентлик келинни эри ва қайнонаси самосуд қилиб дўппослади

Элтузга етиб келган видеода аёлниннг эри ва қайнонаси томонидан таҳқирланиб, калтаклангани акс этган. Тошкент шаҳар Шайҳонтоҳур туманида олинган видеони жўнатган шахснинг айтишича келин эри ва қайнона томонидан самосуд қилинган.

Видеони Элтузга жўнатган шахснинг ёзишича, келин қайнанасига «Ўғлинг менга алкогол ичирмоқчи бўлди. Боланг билан яҳшамайман» деган. Шундан кейин уни қайнонаси дўппослаб ташлаган.

Жисмоний зўравонлик ва таҳқирлашлар келиннинг беш кунлигидаёқ бошланган ва баъзан уч соатлаб давом этган. Шунингдек унинг билдиришича, дастлаб келиннинг калтакланишига келинга берилган тўяна пули сабаб бўлган ва куёв бола бу пулни олиб қўйган. 

Қиз яқинларини чақириб бу ҳақда айтганида эса, куёв «қўлимни учини ҳам теккизмаганман қизингизга» деган. Қиз «бу бола билан яшамайман ортиқ» деганида эса ота онаси «Яшайсан! Шарманда бўлиб қайтиб келма уйимизга!» дейишган.

Шундан кейин ҳам жанжал тўхтамади, 15 кунлик келин устидан қулфлаб қўйишди. Келин деразадан ёрдам сўраб одамларни чақирди. Бироқ ҳеч ким эътибор бермади.

«Уч соат давом этган калтак ва таҳқирлашдан сўнг келин қочаётиб  подъезд зинасидан йиқилди ва 102 чақиришга муваффақ бўлди. 

«Шундан сўнг ҳам Зиё маҳалласининг Фарҳод исмли лоқайд участковойи ишни ёпди» дейди воқеа гувоҳи.

Очиқ маълумотларга кўра Ўзбекистонда аёлларга нисбатан зўравонликларнинг 60 фоиздан ортиғи яқин қариндошлар томонидан амалга оширилади, ва (2021 йилги маълумотларга кўра) салкам 5920 та ҳолатда зўрлик ишлатувчи шахслар ўз эрлари бўлиб чиққан.

ОАВ ва экспертларнинг фикрига кўра, Ўзбекистонда жамият зўравонликка нисбатан жуда толерант. Воқеада кўрсатилганидек, келин деразадан ёрдам сўраганда ҳеч ким эътибор бермаган. Участковой ишни ёпиб юборди. Куёвнинг криминал ўтмиши билан ҳам ҳеч кимнинг иши бўлмади. Дунёда ўзбек келинидек қийматсиз одам йўқ.