Karimovning janozasi birdaniga 2000 masjidda o‘qilishi buyurildi

O‘zbekiston musulmonlar idorasi toshirig‘i bilan respublikaning barcha masjidlarida Toshkent vaqti bilan 13 dan 20 daqiqa o‘tganida Islom Karimovning janozasi o‘qiladi.

Masjidga bormaydiganlarni esa maxsus dress-kod asosida kiyinib qora galstuk taqib hotira maydoniga tashkiliy tarzda to‘plash mahalla va kamolat jamg‘armalariga topshirilgan. Maydonga yig‘ilganlar oq va qora kiyimda bo‘lishi shartligi tushuntirildi.

Davlat rahbarining 2 sentyabrda o‘lgani rasman bildirilgan habarda keltirilishicha, prezident vasiyatiga ko‘ra, Islom Karimov shu yil 3 sentyabrda ota-onasi mangu qo‘nim topgan ona shahri Samarqandda musulmon urf-odatlariga binoan dafn etiladi.

Bildirishda marhum bilan vidolashuv marosimi 2016 yil 3 sentyabrda Samarqand shahrida bo‘lib o‘tishi va 3 sentyabrdan O‘zbekistonda uch kunlik motam e'lon qilinishi ham urg‘ulangan.

«Barchamiz uchun qadrli» degan ibora urfga kiritildi. Bu kalima ilgari O‘zbekiston rahbari Sharof Rashidov uchun qo‘llanilgan edi.

Karimov tobuti olib o‘tilaëtgan ko‘chada turgan yigitning Eltuz muxbiriga aytishicha kortej oldidan boraëtgan mashinaga ortidan gullarni qachon irg‘itish haqida instruktsiya berib borilgan.

Janozaga qatnashishi uchun AQShdan marhum mustabidning kenja qizi Lola Karimova Tillaeva yetib keldi. To‘ng‘ich qizning qaerdaligi noma'lum qolmoqda. Ba'zi malumotlarga ko‘ra Gulnora Karimova O‘zbekistondagi mavjud tuzumga o‘zini oppozitsiya deya e'lon qilgan. Boshqa gaplarga ko‘ra Gulnora otasining buyrug‘i bilan uy qamog‘ida qolgani iddao qilinmoqda.

Eltuzni kuzatib boring, dafn marosimi tafsilotlarga kun bo‘yi o‘rin beramiz.

Eltuz.com

Eltuz.com