Kievdagi Urush muzeyida rus tilidagi yozuv olib tashlandi

31 yanvar kuni tarqalgan xabarlarga ko‘ra, Kievdagi Ikkinchi jahon urushi tarixiy muzeyida (xalq tilida «Muzey voynы») joylashgan sovet davriga oid rus tilidagi shior demontaj qilindi.

Muzey devoridagi «Ix podvigi budut jit vechno, ix imena bessmertnы» (Ularning jasoratlari mangu yashaydi, ismlari o‘lmasdir) degan mashhur ruscha yozuv bolg‘alar yordamida urib tushirilgan. Ukraina tomoni buni mamlakatda davom etayotgan «desovetizatsiya» va Rossiya propagandasi qoldiqlaridan tozalanish jarayonining bir qismi deb hisoblamoqda.

Rossiyalik targ‘ibotchilar va rasmiy shaxslar esa bu voqeani «tarixiy xotiraga tupurish» sifatida baholab, keskin tanqid qilishmoqda. Xususan, Rossiya TIV rasmiy vakili Mariya Zaxarova ham bu holatga munosabat bildirib, Ukraina hukumatini aybladi.

Mahalliy faollar va muzey ma'muriyati bunday yozuvlar bugungi kunda agressor davlat tilida va sovet mafkurasini targ‘ib qiluvchi unsur sifatida qabul qilinishini ta'kidlamoqda.