Rip Xopkinsning O‘zbekistoni

Britaniyalik taniqli fotograf Rip Xopkins (Rip Hopkins) fotoob'ektivida aks etgan O‘zbekkiston turizm shirkatlari chop qilgan bukletlardan farq qiladi.

10 ëshidan beri suratkashlik qiladigan va Parijda taxsil olgan 44 yashar Rip Xopkins (Rip Hopkins) – mukammal fotorassom sifatida Britaniyada nom chiqardi.

“Chegara bilmas vrachlar” jamiyatida fotograflik qilgan Xopkins dunëning dardli nuqtalarini bu dardga darmon bo‘lgan vrachlar bilan kezib insoniyatning asl yuziga razm sola oldi.

Xopkins Markaziy Osië bilan bog‘liq loyihalarda faol ishtirok qilda va mintaqaning barcha yerini qarichma-qarich kezdi.

Xopkins fotokamerasida aks etgan O‘zbekiston tasvirlarida kinoya va istixola unsurlari mavjud.

Vizual jihatdan mukammal deya bilingan bu suvratlarni Eltuz o‘quvchilariga havola qilamiz.

Avtor ayni paytda suratlar dizayni bilan mashg‘ul bu esa uni shunchaki suratkash rutbasidan yuksakroq mavqega eltadi.

Suratlarning barisida kompozitsiya va rang uyg‘unligiga erishilgan.

Bu esa Xopkins fotografdan ko‘ra musavvir kabi mushohada qildi degan fikrni paydo qiladi.

Asnoda rassom mintaqa qiëfasini chuchmal go‘zal qilishga tirishmaydi¸ balki g‘ayri-odatiy g‘adir-budir voqelikka diqqatimizni jalb qilishga tirishadi.

Xopkins g‘alati joylarda g‘alati odamlarni suratga oladi. Xopkins nazarida aynan g‘alati odamlar tomoshabinning shoën diqqatiga loyiqdirlar.

Hatto Xopkins suratga olgan natyurmortlar ham insoniy muammolar haqida qichqiraëtgan kabi tuyuladi.

Tomoshabin bu rasmlardan bir etak pozitiv emotsiyalar oladi. Xopkins reportajlari esa alohida taxsinga loyiq.

Rip Xopkins doimo tomoshabin nigohini dunë ajoyibotlariga qaratib olamning murakkab va nihoyatda go‘zal ekanligini urg‘ulaydi.

Xopkinsga ko‘ra hatto dunë tamaddunidan olis puchmoqlarda ham inson asosiy va bosh qaxramon bo‘lib qolaveradi.

Xopkins O‘zbekistonidagi inson ham umidga loyiq kabi ko‘rinadi.

Rasmlar manbasi: http://www.riphopkins.com

Akmal Rizaev
O‘zbekistonlik muallif tahallusi
Eltuz.com