Taniqli o‘zbek ëzuvchisi «Ozodlik-Ozod Yevropa» radiosida rahbar bo‘ldi

Dunëda eng ko‘p tanilgan zamonaviy o‘zbek ëzuvchisi 66 yoshli Hamid Ismoil 14 yanvar kuni «Ozodlik-Ozod Yevropa» radiosi Markaziy Osië dasturlari direktorligiga tayinlandi.

Bundan oldin u «Bi-Bi-Si» jahon xizmatida rahbar lavozimda ishlab kelgan edi. Hamid Ismoil 2019 yilgi Yevropa tiklanish va taraqqiyot bankining obro‘li adabiy mukofoti g‘olibi bo‘lgan ”Jinlar bazmi” romani muallifi.

2017 yilning mart oyida «Bi-Bi-Si» Markaziy Osië xizmati muxbirlari va Britaniya diplomatlaridan tarkib topgan delegatsiya tarkibida O‘zbekistonga kelgan Hamid Ismoil Toshkent aeroportida to‘xtatilib, Londonga qaytarib yuborilgani haqida «Eltuz» ëzgan edi. Delegatsiya tarkibini tasdiqlab rasman taklifnoma bergan O‘zbekiston Tashqi ishlar vazirligi o‘shanda nega Hamid Ismoil O‘zbekistonga kiritilmaganini izohlamagan.

Hamid Ismoil O‘zbekiston milliy axborot agentligi savollariga javob berishni rad etib rasmiylardan uzr talab qildi. Ëzuvchi agentlik muxbiriga ëzgan xatida “Meni O‘zbekistondan chiqarib yuborgan mulozimlar rasman uzr so‘ramagunicha¸ ular o‘ziniki qilib olgan yerni yelkamning chuquri ko‘rsin”, deya bildirgan.

Bu maktub to‘lig‘icha O‘zA saytida e'lon qilingan edi: “Azizim Anoraxon, kuyunchakligingiz uchun rahmat, lekin mening ko‘nglimda katta gina bor. Bundan rosa ikki yil avval, Toshkent qo‘nalg‘asiga uchib kelib birinchi qilgan ishim – do‘stlardan mashina so‘rab onamning mozor boshisiga o‘tmoqchi bo‘lganimda, O‘zbekiston rasmiylari meni o‘z Vatanimga kiritmay, Istanbulga quvishgan. Bunday bedodliklar osonlikcha unutilmaydi. O‘shanda o‘zimga: to bu rasmiylar rasman uzr so‘rashmaguncha, ular o‘ziniki qilib olgan yerni yelkamning chuquri ko‘rsin, deb aytganman. Uzr, lekin rahmatli onam meni o‘z so‘zida turuvchi qilib tarbiyalagan. Afsuski, savollaringizga javobim shu. Ishlaringizda zafarlar tilab, Abdulhamid akangiz”.

Taniqli jurnalist va yozuvchi Hamid Ismoil davlat komissiyasi o‘zi suratga olishda ishtirok etgan hujjatli filmni «ma'naviyat tendentsiyalariga mos kelmaydi» deb topganidan so‘ng 1992 yilda O‘zbekistondan chiqib ketishga majbur bo‘lgan edi. 1992 yili Hamid Ismoil «Bi-Bi-Si» televizion guruhi bilan O‘zbekiston haqida film olish ustida ishlagani ortidan unga qarshi jinoyat ishi qo‘zg‘atilgan va ëzuvchining hukumatni ag‘darish urinishiga aloqadorligi haqida bayonot berilgan edi.

Hamid Ismoilni qoralashga urinish bu baënotdan 27 yil o‘tib ham davom etmoqda. Joriy yilning 11 mart kuni O‘zbekiston Ëzuvchilar uyushmasida o‘tkazilgan nasr kengashining hisobot yig‘ilishida uyushma rasmiysi Risolat Haydarova “xalqaro adabiy mukofotni qo‘lga kiritgan “Jinlar bazmi” romanini “asar ostida siyosiy manfaat yotibdi”, deya tanqid qilgan edi.

Hamid Ismoil o‘z asarlarini o‘zbek va rus tillarida ëzadi. Uning “Temir yo‘l” romani 2006 yilda taniqli ingliz ëzuvchisi Robert Chandler tarafidan inglizchaga o‘girilib Londonda chop qilingan. Hamid Ismoilning she'riy asarlari Ingaborg Baldauf va Zigrid Klaynmixel tarjimasida nemis tilida ham chop qilingan.

Eltuz.com