DBQ rahbarlari haqidagi e'lon yuzasidan bildiruv

Bugun @eltuz O‘zbekiston Davlat Bojxona Qo‘mitasi rahbariyati ishi yuzasidan surishtiruv olib borilayotgani haqida xabar bergan edi.

Surishtiruvlar  nihoyalab qolgan va DBQ rahbariyati haqidagi maqola kelgusi hafta so‘ngiga qadar nashr qilinishi rejalashtirilgan edi.

Olingan yangi ma'lumot, faktlar va hujjatlarni sinchiklab o‘rganish chog‘ida @eltuz tahririyatga yo‘llangan dastlabki ma'lumotlarning aksari bo‘hton va uydirma ayblovlarga asoslanganini aniqladi.

Ma'lum bo‘lishicha, @eltuz ga yo‘llangan mazkur uydirma ayblovlar ortida Davlat Bojxona Qo‘mitasida rahbar lavozimlarda ishlayotgan va avval ishlagan bir guruh shaxslar turibdi.

Bir necha oy oldin DBQga rais etib tayinlangan Akmalxo‘ja Mavlonov qo‘mitada ildiz otgan korruptsiyaga qarshi ayovsiz kurash boshlagan.

Uning printsipialligi va murosasizligi o‘z vakolatlaridan foydalanib, uzoq vaqt davomida davomli va yirik daromad ko‘rib kelgan qo‘mitadagi ba'zi mas'ul xodimlarning norozligini uyg‘otgan.

Aynan mana shu norozilik ularni DBQ raisiga qarshi “yumaloq xat” yo‘llashga asos bo‘lgan.

Biroq, ular taqdim etgan faktlar o‘z isbotini mutlaqo topmagach, @eltuz o‘zining bugungi e'lonini olib tashlashga qaror qildi.

Akmalxon Mavlonovga nisbatan qo‘yilgan assossiz ayblovlar va noto‘g‘ri ma'lumotlar tekshirilmasdan chop qilingani uchun @eltuz DBQ raisidan samimiy uzr so‘raydi.

@eltuz DBQda tub islohotlar boshlab yuborgan Akmalxo‘ja Mavlonov ishiga omad va muvaffaqiyatlar tilaydi.

@eltuz