Erondagi namoyishlar o‘rta maktablargacha tarqaldi

Qizlar ro‘mollarini yechib, havoga silkitib, ularni tinchlantirish uchun kelgan davlat amaldorlariga norozilik bildirishmoqda. Eron shahar maydonlarida paranjilar, hijoblar yechilib, yoqib yuborilmoqda. Namoyishlar tarqalmagan shahar qolmadi, qurbonlar soni 150 dan oshdi.

Sababi nima bo‘lishidan qat'iy nazar, yosh ayolning boshini yopmagani uchun hibsga olinishi, uch kun ushlab turilishi va oxir-oqibat hayotdan ko‘z yumgani bu insonlik fojeasi. Namoyishlar uchun haqli bir sabab.

Eron ayollari tik turib, zulmga qarshi isyon ko‘tarib, ro‘mollarini yoqib, sochlarini qirqishmoqda.
Bosimning oshishi ham reaktsiyani kuchaytiraypti.

Eronlik mulllar va rejim :»Amerika bizning yoshlarimizni provokatsiya qilmoqda» deyishadi.
Bizni imomberdilarning ham fikri shunday. Mullavachchalarni tili bilan aytganda urf-odatlarimizni, ilg‘or islom madaniyatini «g‘arb va yahudlar buzishmoqda.» Bu mulla akalar nazarida go‘yoki «tolibon, eron madaniyat markazi, g‘arb esa yomonlik o‘chog‘i.»Karimov davrida g‘arb davlatlaridan boshpana olgan go‘yoki “mazlum” mullalar ham shu fikrda.

Holbuki, nafaqat bugun, balkim tarixan, islom o‘lkalarida faqirlik, jaholat va istebdod(despotizm) hukmron.

Kunimizda esa, Iqtisodi yomonlashayotgan, inflyatsiyasi oshib borayotgan, politsiya va miltiq zug‘imi bilan xalqini zulm ostida bostirishga urinayotgan har bir diktator darhol amerikani ayblaydi. Xalqini yana ham dindorroq qilishga urinayotgan Eron, Ibrahim Raisi rejimi ham shunday.

20 yillik iqtidori davrida iymonli avlod yetishtirmoqchi bo‘lgan , natijada deist avlod soni kundan kunga ortib borayotganlar islomchilarda ham shu ahvol.

Kun mavzusi Eronga qaytsak.

Eronning har bir aholi punktida AQShning agentlari bormi? Noroziliklarga amerika sababmi? Eron ahloq politsiyasi nazoratxonasida o‘lgan qizni amerikalik agentlar o‘ldirdimi? Namoyishchilarni amerika kelib o‘ldirayaptimi?

Javob oddiy, bu voqealar mullalarning zulmkor rejimi olib kelgan ijtimoiy portlashdan iborat. Zotan bular porox bochkasida o‘tirib, olov bilan o‘ynayotganlardir.
Bu manzarada musulmon jamiyatlar totalitar rejimlarini liberal-demokratik yo‘nalishga o‘zgartirishdan boshqa yo‘llari yo‘q.

Bahodir Fayzi

AQShda yashaëtgan o‘zbek publitsisti