Kartina uchun to‘langan 45 million kasal bolalarga berildi

Ko‘rib turganingiz kartina kim oshdi onlayn auktsionda 100 ming so‘mga sotuvga qo‘yilgan edi.

Auktsiondan maqsad “Sen kuchlisan” loyihasi doirasida bolalar onkologiyasi shifoxonasi uchuun elektrokoagulyator xarid qilish edi.

Bu uskuna kamida 40 million so‘m turadi.

Maqsaddan xabardor bo‘lgan taniqli tadbirkor Bekzod Mamatqulov auktsion bolg‘achisi qadamlarini kutmay kartinani 45 million so‘mga sotib oldi. Bu haqda Rost24 xabar berdi.

Tadbirkor o‘zi sotib olgan kartinani ham “Sen kuchlisan” loyiha tashkilotchilariga qoldirdi.

Shu tariqa shifoxona bolalar onkologiyasini bartaraf qiluvchi zarur uskuna bilan ta'minlandi.

Kim oshdi savdosida rasm sotib pulini bolalar kasalxonasiga berish tajribasi G‘arb va AQShda azaldan bor va bu jamiyat tarafidan olqishlanadi.