SARIOSIYo IJTIMOIY YoRDAM MARKAZIDAGI ORGIYaLARDAN SO‘NG BIR NYeChTA XODIM IShDAN OLINDI

Surxondaryo viloyati Sariosiyo tumanidagi ijtimoiy yordam markazida xodimlarning nogironlar pulini o‘zlashtirgani va ish joyida seks orgiyalar tashkil qilgani fosh etilganidan so‘ng Prezident huzuridagi Ijtimoiy himoya milliy agentligi bu muassasada xizmat tekshiruvi o‘tkazdi.

9 iyun kuni o‘tkazilgan tekshiruv natijasiga ko‘ra, tama'garlik va maishiy buzuqlik sodir etgan to‘rt nafar xotin ishdan bo‘shatildi. Shu bilan birga markaz rahbarining o‘rinbosari ham lavozimidan ozod etildi. Mas'ul vazifada bo‘lib, holatlarga ko‘z yumgan bir necha mulozimga hayfsan va ogohlantirish berildi.

Rasmiy ma'lumotda ta'kidlanishicha, markaz xodimlariga ijtimoiy yordam muassasalari xalq dardini tinglaydigan va muhtojlarga yordam qo‘lini cho‘zadigan joy ekani qat'iy ravishda tushuntirilgan.

Eslatib o‘tamiz, Eltuzda chop etilgan maqolada mazkur muassasada fuqarolarning ijtimoiy nafaqalari talon-toroj qilingani va ish joyida jinsiy tartibsizlikka yo‘l qo‘yilgani haqida maqola e'lon qilingan edi.