Olmazorda nega xotin bolalari va o‘zini o‘ldirdi?

«Olmazor City» turar-joy majmuasida  ikkinchi xotin sifatida  imom nikohi asosida yashab kelgan xotin ikki farzandini 4-qavatdan tashlab, o‘zini 8-qavatdan tashlab o‘z joniga qasd qildi. 

Dastlabki ma'lumotlarga ko‘ra, marhum ayol qurilish mollari savdosi bilan shug‘ullanuvchi erkakning ikkinchi xotini bo‘lgan. Uning shar'iy turmush o‘rtog‘i Jomiy bozorida savdo-sotiq orqali ko‘p mablag‘ topib, boyib ketgan. Avvaliga erkak bir necha marta Haj va Umra safariga borib kelgani bilan o‘zini dindor sifatida namoyon etgan. Shu bois islom qoidalariga tayanilgan holda ikkinchi bor uylanib, ikki farzand ko‘rgan.

Bu rijol yoshgina ikkinchi xotin bilan cheklanmasdan, bir necha bor xotin olib talog‘ini bergan. Fojia qurbonini o‘z joniga qasd qilishiga sabab bo‘lgan voqea esa  bunday. 

Erkak ikkinchi xotinining 21 yoshli singlisi bilan yashirin shar'iy nikohdan o‘tib qizga  uy-joy va avtomashina ham olib bergan.

Mana shu voqea ikkinchi xotin rashkini keltirgan  va xotin bu holatga chidashga va sabr qilishga quvvati yetmasdan ikki nafar bolachalarini 4-etajdan tashlagan. O‘zi esa 8-etajdan sakrab o‘lgan. 

Hozirda bir yarim va uch yoshdagi bolalar shifoxonaning jonlantirish bo‘limida ekan. Albatta ularga barcha zarur tibbiy yordam ko‘rsatilmoqda.

Bu kabi holat birinchisi emas, 2023 yilning aprel oyida ham Sergelida ikkinchi xotin uch nafar bolasini va o‘zini 9-etajdan tashlab vafot etgan edi. Uning imom nikoxida bo‘lgan eri esa o‘tgan yili uchinchi marotaba uylandi.