Mudofaa vazirligi markazi harbiylari oyligi kechikayotganidan norozi

Mudofaa vazirligiga qarashli Oliy sport natijalarini rivojlantirish markazi harbiy xodimlari oylik va mukofot mablag‘lari 10-15 kungacha kechikib to‘lanayotganiga norozilik bildirishdi.

Murojaatda qayd etilishicha, 2025 yil 1 sentyabr — Mustaqillik bayrami kuni oylik 10 kun kechiktirilgan. 1 oktyabr — O‘qituvchilar kuni munosabati bilangi maoshlar esa 9 kun o‘tganiga qaramay hali ham to‘lanmagan.

Harbiylar Mehnat kodeksiga asoslanib, ish haqi bayram va dam olish kunlaridan oldin to‘lanishi shartligini eslatishgan. Shunga qaramay, markazda avanslar umuman berilmaydi va maoshlar plastik kartochka orqali qismlarga bo‘lib o‘tkaziladi.

Murojaatda markaz rahbarlari — polkovnik Mansur Mamadaminov, Baxodir Tuxtanazarov, G‘olib Ikromov va moliya bo‘limi boshlig‘i Furqat Abdullaevning faoliyati keskin tanqid qilingan. 

Aytilishicha, Abdullaev harbiy prokuraturadagi aloqalari orqali xodimlarni shikoyat qilmaslikka majburlamoqda.

Harbiylar 2020 yildan beri maoshlarning doimiy kechikishiga qarshi rasmiy chora ko‘rilishini, va kechikish uchun kompensatsiya to‘lanishini talab qilishmoqda. 

Ular Kambag‘allikni qisqartirish va bandlik vazirligidan moliya bo‘limi faoliyatini tekshirishni so‘rashgan.