Germaniyada dunyodagi eng badbo‘y gul o‘g‘irlandi

Noma'lum shaxslar Dortmunddagi «Rombergpark» botanika bog‘idan kamyob Amorphophallus titanum gulining tugunagini o‘g‘irlab ketishdi. Uning g‘unchasi 30 kilogrammgacha tosh bosadi va sasigan go‘sht hidini taratadi — bu hid unga hasharotlarni jalb qilish uchun kerak.

Bog‘ xodimlari o‘simlikni «Dovud» deb atashardi va uning navbatdagi gullashiga tayyorgarlik ko‘rishayotgandi.

Endilikda sassiq hid o‘rniga — u yerda faqat jinoyat islari qoldi.