Toshkentda Taftish.uz jurnalistlari qamab qo‘yildi

23 oktyabr kuni Taftish.uz internet nashri jurnalistlari Eshquvvatova Marjona, Yuldashev Azizbek va tasvirchi Mamatqulov Ulug‘bek Toshkentning Yunusobod tumani Ichki ishlar xodimlari tomonidan qamab qo‘yildi. 

Shuningdek, 23 oktyabr kuni tushdan so‘ng Taftish.uz sayti ochilmadi. Kanalda «Xosting xizmati vaqtincha to‘xtatildi» degan yozuv va uning tagida xizmatning uzaytirilishi zarurligi so‘ralgan izoh paydo bo‘ldi.

Taftish.uz nashrining xabar berishicha, jurnalistlar va operator Yunusobod tumaniga jurnalistik tekshiruv bilan borgan.

Tekshiruv davomida ichki ishlar xodimlari yetib kelib, o‘zini tanishtirmasdan jurnalistlar va video operatorni zo‘rlik bilan olib  ketgan.

Tekshiruv jarayonida nashrga tegishli video va foto kameralarning bir qismi sindirib tashlangan.

Bu amaldagi O‘zbekiston Respublikasi Konstitutsiyasiga, qonunlarga zid bo‘lib so‘z erkinligiga tajovuz hisoblanadi. Eltuz Toshkent shahar ichki ishlar boshqarmasidan izoh kutadi.