Toshkentda qushlarni chegaradan noqonuniy olib o‘tmoqchi bo‘lgan shaxs ushlandi

Toshkent viloyatida huquq-tartibot idoralari xodimlari 30 dona sa'vani kiyim ostidan noqonuniy olib o‘tishga uringan odamni qo‘lga oldi.

Ma'lumotlarga ko‘ra, voqea “Navoiy” bojxona postida sodir bo‘lgan. Shubhali harakatlari haqida post xodimlari ogohlantirilgan erkak skanerlanganda, suratlarda shubhali konturlar aniqlandi. Shaxsiy ko‘rikdan o‘tkazilganda, fuqaroning ichki kiyimlari orasiga 30 ta sayroqi qushchalar yashirib qo‘yilgani aniqlandi. Qushlar sayrab ketmaganini qarang!

Erkak hayvonlarni deklaratsiya qilmagan va og‘zaki so‘rov davomida ular haqida ham ma'lumot bermagan. Hozirda mazkur holat yuzasidan bojxona organlari xodimlari tomonidan surishtiruv harakatlari olib borilmoqda. Aybdor qushlarni alohilda savatga solib, davlat bojini to‘lab, o‘tib ketishi mumkin edi. 

Avvalroq Toshkentda noyob lemur noqonuniy savdodan qutqarilgani haqida xabar berilgandi. Aybdor xalqaro miqyosda eng yuqori darajada himoyalangan jonivorni parranda bozorida sotmoqchi bo‘lgan.