Rossiyadagi Markaziy Osiyo migrantlari o‘rnini toliblar egallamoqchi

Qobul ma'muriyati Moskvaga rasmiy ravishda murojaat qilib, Rossiyadagi Markaziy Osiyodan borgan mehnat muhojirlari o‘rnini afg‘onistonliklar bilan almashtirishni taklif qildi.

Afg‘oniston hukumati vakillarining bayonotiga ko‘ra, ular o‘z fuqarolarini Rossiya mehnat bozoriga yuborishga to‘liq tayyor ekanligini bildirishgan. Rejaga ko‘ra, afg‘on ishchilari birinchi bosqichda qishloq xo‘jaligidagi ishlarga jalb etiladi. Kelajakda afg‘onlar kurer va taksi haydovchisi sifatida ishlashi shuningdek turli yo‘nalishlarda ishchi kuchi sifatida faoliyat yuritishlari  rejalashtirilmoqda.

Bu taklif mintaqadagi mehnat bozori xaritasini o‘zgartirib yuborishi mumkin bo‘lgan jiddiy qadam sifatida baholanmoqda.