Farg‘ona Neftni qayta ishlash zavodida chaqaloq o‘ligi topildi

Insayderlarga ko‘ra, chaqaloq zavod hududidagi 12 sex yoniga  ko‘mib ketilgan. Daydi itlar go‘dakni g‘ajiyotganda odamlar e'tiboriga tushgan. 

Ayni damda barcha ma'sullar prokuratura IIB xodimlari zavod hududida deydi manbaa.

Farg‘ona viloyati IIB Axborot xizmati rasmiy ma'lumotiga ko‘ra, joriy yilning 28 noyabr kuni Farg‘ona neftni qayta ishlash zavodi hududida yer maydoniga homila ko‘mib ketilganligi aniqlangan.

Sud-tibbiy ekspertizasining dastlabki ma'lumotnomasida, homila o‘g‘il bola jinsiga mansub 3-4 oylik ekanligi keltirilgan.

Mazkur holat yuzasidan Farg‘ona shahar prokuraturasi tomonidan tergovga qadar tekshiruv harakatlari olib borilmoqda.