NYT: Rossiyani urushni to‘xtatishga nima majbur qilishi mumkin?

The New York Times nashri Rossiyaning urushni to‘xtatishga majbur qiluvchi bir qancha stsenariylarni ko‘rib chiqdi. Neft daromadlarining tushishi allaqachon Rossiya byudjetiga zarba bermoqda va tahlilchilarning fikricha, bu asta-sekin armiyani zaiflashtiradigan surunkali muammoga aylanadi.

Ammo Kremlga haqiqiy zarba berish uchun Xitoyga neft sotishni bloklash yoki eksport infratuzilmasiga jiddiy zarbalar berish kabi ancha qattiq choralar kerak.

Hozircha bularning hech biri haqiqatga o‘xshamayapti.

Bank inqirozi Putinga bosim o‘tkazishi mumkin edi, ammo uning iqtisodiy jamoasi hozircha vaziyatni nazorat qilmoqda.

Katta harbiy xarajatlar inflyatsiyani tezlashtirdi. Markaziy bank stavkani oshirdi, bu esa biznes va aholiga zarar yetkazmoqda.

RJD (Rossiya temir yo‘llari) qarzga botgan, tashish hajmi tushmoqda. AvtoVAZ ishlab chiqarishni 40% ga qisqartirib, to‘rt kunlik ish haftasiga o‘tmoqda.

Biroq iqtisodiy muammolar odamlarni ko‘chalarga olib chiqishi dargumon – Rossiya jamiyati bunday vaziyatga o‘rganib qolgan.

Urush frontida Rossiya har oy o‘n minglab odamlarni yo‘qotgan holda sekin-asta ilgari sudralmoqda. Kreml yangi yollanuvchilarga yuqori to‘lovlar va'dasi bilan bu yo‘qotishlarni qoplamoqda.

Katta yutuqlarga erishish uchun esa Rossiyaning kuchi yetarli emas, lekin Putinni cho‘ziladigan sillarni qurituvchi urush shakli qoniqtirmoqda.

U o‘z hokimiyatini urush natijasi bilan bog‘lab qo‘ygan va zaiflik ko‘rsatishga tayyor emas.