Buxoro DTU korruptsiya reytingida ikkinchi o‘rinda

Buxoro davlat texnika universiteti atrofida shubhali holatlar haqida turli gap-so‘zlar, murojaatlar va norozilik kayfiyatlari kuzatilmoqda.

Ushbu universitet oliy ta'lim muassasalari orasida jinoyatchilik va korruptsiyaviy xolatlar bo‘yicha ikkinchi o‘rinda turibdi. Biroq universitet rahbariyati vaziyatni sharhlamaydi. Ko‘rilayotgan ehtiyot chora–tadbirlari haqida ochiq ma'lumotlar yo‘q. 

Katta-kichik korruptsiya, intizomiy qoidabuzarliklar vaqtida hal etilmasa, jiddiyroq jinoyatlar eshik qoqadi. 

Muammoni yopish, bosdi–bosdi qilish, sukut — bularning hech biri yechim bo‘lolmaydi. Oliy ta'lim, fan va innovatsiyalar vazirligida esa universitetlar yuqori esheloniga keskin ta'sir qilish qudrati yo‘q. Shunday ekan, mavjud korruptsiya, guruhbozlik, o‘quv ishlaridagi oqsash osonlikcha bartaraf etilmaydi.