Interpol qidiruvida bo‘lgan fuqaro Xorvatiyadan O‘zbekistonga yuborildi

Xorvatiyadan O‘zbekistonga xalqaro qidiruvda bo‘lgan fuqaro ekstraditsiya qilindi.

Ekstraditsiya Interpolning O‘zbekiston va Xorvatiya milliy markaziy byurolarining muvofiqlashtirilgan harakatlari, shuningdek, O‘zbekistonning Vengriyadagi konsulligining ko‘magi natijasida amalga oshirilgan. 

 Uzoq yillardan buyon, o‘ta og‘ir jinoyat bilan qidiruvda bo‘lgan fuqaro Xorvatiyada noqonuniy yashab yurgan. Keyinchalik qo‘shma maxsus operatsiya orqali fuqaro qo‘lga olingan. Endi O‘zbekistonda belgilangan tartibda jazoga tortiladi. 

O‘tgan yil oxirida Interpol Gruziyada qidiruvda bo‘lgan o‘zbekistonlik ikki jinoyatchini qo‘lga olgandi. Qo‘lga olinganlar yirik firibgarlik va odam savdosida ayblanmoqda.