XMT: Majburiy mehnat taqiqlanganligidan ko‘pchilik xabardor

12 dekabr kuni Xalqaro mehnat tashkiloti (XMT) O‘zbekistonda hukumatning majburiy mehnatni tugatish choralarini ko‘rgani haqida bayonot berdi.

XMT saytidagi maqolaga ko‘ra, O‘zbekistonda paxta terimida so‘nggi bir necha yil ichida «bolalar mehnatidan foydalanish to‘xtatilgani, majburiy mehnatni tugatish bo‘yicha chora-tadbirlar amalga oshirilgani» ma'lum bo‘lgan

30 noyabr kuni Toshkentda o‘tgan davra suhbatida muhokama qilingan bu xisobotni 2018 yil boshida XMT Jahon bankiga taqdim etishni rejalashtirgan.

XMT ekspertlari, jumladan, «mamlakatning barcha viloyatlarida paxta yig‘im-terimi bilan shug‘ullanuchi hokimliklar, ta'lim va tibbiyot xodimlarini qamragan 3 mingta muzokara, 1000 nafar shaxs bilan telefon orqali so‘rovnoma o‘tkazishganini bildirishadi.

Terimchilarni jalb qilish bilan shug‘ullanuvchi 6,3 mingga yaqin kishi uchun treninglar o‘tkazishgan va terimda «bolalar mehnati va majburiy mehnatga yo‘l qo‘yilmasligi haqida xabardorlik darajasi yuqori ekanligiga amin bo‘lishgan.

Bu yilgi terimga O‘zbekistonda paxtachilikka aloqasi bo‘lmagan deyarli barcha soha xodimlari jalb etilgani, majlislarda «kam odam olib chiqqan» maktab direktorlarining boloxonador so‘kilgani XMT ma'lumotlariga kirmagan.

Shuningdek, ommaviy terimchilar esheloni bir viloyatdan ikkinchi viloyatga shaxsiy mashinalarda, avtobuslarda, poezdlarda militsiya nazorati ostida surgun qilingani haqida ham XMT vakillari odatdagidek indashmaydi.

Eltuz.com