Temur xo‘ja o‘g‘li: Terrorchining ulusi va kimligi yo‘qdir

“Istanbul xavfsizlik idorasi bu isqirtni “o‘zbek” deb aytdi, bundan oldin qirg‘iz va uyg‘ur degan gapni aytgan edi», deya yozdi turkiyalik professor Temur xo‘ja o‘g‘li o‘zining FBdagi sahifasida.

«Bir isqirtning shu ëki boshqa millat mansubi bo‘lishi turkistonliklarga isnod keltira olmaydi. Bizdan shunday isqirt chiqibdi deya hafa bo‘lishga asos yo‘q. Terrorchining dini, ulusi, shaxsiyati va kimligi yo‘qdir. U bir MANQURTdir!” deya yozdi Temur Xo‘ja o‘g‘li.

Turk matbuotida yoritilgan so‘nggi xabarlarga ko‘ra, 39 kishini o‘ldirgan terrorchi o‘zbekdir.

Yangi yil kechasi Reina tungi klubiga kalashnikov avtomati bilan hujum qilgan kimsaning ismi Abduqodir Masharipovdir.

IShID askari deya iddao qilingan Masharipov o‘ldirilgan

Hurriyat va boshqa turk gazetalarining ëzishicha qotil “Abu Muhammad Xurosoniy” kod ismi bilan harakat qilgan.

Matbuot iddaosiga ko‘ra, terrorchi xotini va ikki farzandi bilan 2016 yilning 20 noyabr kuni Qirg‘izistondan Istanbulga uchib kelgan.

Keyin bu oila Istanbuldan, Anqaraga undan keyin esa Ko‘nya shahriga kelgan.

Turk matbuotida ëzilishicha, IShIDning o‘zbek hujralaridan birida ta'limot olgan Masharipov 15 dekabr kuni Turkiyaning Ko‘nya shahridan Istanbulga kelgan.

Seshanba kuni terrorchining xotini Turkiya istixborati tarafidan so‘roq qilingan.

Terrorchining xotini erining dunëqarashidan behabarligini aytgan.

Turkiya istixboratining matbuotga sizdirgan habariga ko‘ra, Abduqodir Masharipov o‘ldirilgan.

Uni kim va nima maqsadda o‘ldirganiga oid ma'lumot yo‘q.

Ma'lum bo‘lishicha qatliomda qo‘llanilgan qurollar IShIDning o‘zbek xujrasi faollari tarafidan Istambulga keltirilgan.

Iddaoga ko‘ra ayni faollar Masharipovning hujum uyushtirgani ortidan logistik qo‘llovni muntazam amalga oshirishgan.

Eltuz.com