«Abu Saxiy» nomini o‘zgartirdi: kuchlisi zaifini yengdimi?

Toshkentdagi “Abu Saxiy” bozori peshtoqidagi ëzuv “Toshkent ipak yo‘li” deya o‘zgartirildi. Bu o‘zgarish jaraënini Toshkentdagi “Eltuz” muxbiri fotosuratga oldi.

Bojxona “yashil chirog‘i ëqib qo‘yilgan” “Abu Saxiy” o‘tgan yili o‘lgan prezidentning kenja qizi Lola Karimova-Tillaeva va uning eri Temur Tillaevga qarashli ekani aytib kelinadi.

Temur Tillaevning “xususiy savdo imperiyasi” deya nom olgan, ko‘p milliardli daromadlar manbai “Abu Saxiy” bozorining kimga o‘tgani haqida aniq ma'lumot yo‘q.

O‘zbekiston prezidenti Islom Karimov olamdan o‘tganidan keyin “Abu Saxiy” bozori moliyaviy-xo‘jalik faoliyatini tekshirish boshlangan edi.

Tekshiruv go‘ëki aholi e'tirozlari asosida tashkil qilingani haqida “Eltuz»da ma'lumot bor.

Natijada soliq to‘lashdan bo‘yin tovlash hamda chet el valyutasidan noqonuniy foydalanish epizodlari aniqlangani aytiladi.

Bu “tekshiruvlar” aslida “Abu Saxiy” bozorini Shavkat Mirziyoevning kuëvlariga o‘tkazish maqsadida qilingani haqida iddaolar ham mavjud.

Temur Tillaev Toshkentni Islom Karimovning vafoti rasman e'lon qilinishidan avval tark etgandi.

O‘zbekistondagi barcha daromadli biznes, xususan, “Abu Saxiy” o‘zlashtirib olingani «Eltuz» bilan suhbatlashgan mahalliy tadbirkor ta'birida «tabiiy jaraën»dir.

«O‘zbekiston biznes olami xuddi Afrika junglisiga o‘xshaydi. Kuchli hayvon zaifni yeydi. Shoqollarga esa ichak-chavoqlar ham yetadi», – deydi tadbirkor.

Rassom Tuz
Eltuz.com