Og‘rigan jonim…

Akmal Nabiev
Eltuz.com

Bir yil avval yozgan ekanman… U paytlar do‘stlarimiz yozgan maqolalarga munosabat bildirib turardim, albatta samimiy, chin dildan, xolis turib. Maqtovni o‘zim ham yoqtirmayman, o‘zgalarni ham maqtab ketavermayman, qandaydir noqulay, ko‘proq tanqidiy fikr bildirardim. Shu sabab kimlarnidir tanqid qilib qo‘yib «so‘zbo‘ron»ga qolib yurgan paytlarim yozgan ekanman. Hozir esim kirib qolgan, tanqid ham qilmay qo‘ydim, fikrimni ichimda aytib qo‘ya qolaman…

Charchadim. Sog‘ligimni yo‘qotdim, og‘rimagan jonim qolmadi, dardning eng kattasi yurakka yetgan ozorlar…

Umr kurashlar bilan, ta'qiblar bilan o‘tmoqda. Ammo afsus qilmayman, bu o‘zim tanlagan yo‘l, meni kimdir shunday yashashga majbur qilmagan. Bundan boshqacha yashay olmasdim ham. Meni ta'qibu-qiynoqlar emas, befarq odamlar bezitdi, ikkiyuzlamachi odamlar bezitdi. Qaerni qarasang tilyog‘lamalik, yolg‘on, adovat…

O‘zi hayotda do‘stu-dushman yetarli, ular bilan kerak joyda hisob-kitob qilib ketilaveradi. FBdagilar esa…

Mana misol uchun, kimdir biror narsa yozadi, tagida fikr bildirish uchun katakchalar. Agar qarshi fikr bildirsangiz baloga qolasiz, Xudo ko‘rsatmasin , taniqliroq odamning yo‘lini kesib o‘tsangiz tug‘ilganingizga pushaymon yedirishadi.

Nima, ularga faqat maqtov kerakmi? Nima, ular uchun doimo masxarabozga o‘xshab olachipor kiyinib yurish kerakmi? O‘shandaqa johillar dastidan keyingi paytlarda taniqliroq odamlarning yozganlariga fikr bildirmay ham qo‘ydim, maqtaydiganlar mensiz ham yetarli, agarda bilmay noo‘rin yozib qo‘ysang boshlanadi taniqliga sodiqlar namoyishi. Xo‘p, siz bilan fikrim bir emas, ammo bu bir umrga dushman bo‘lib o‘tish degani emas-ku?! Tokay bir-birimizga adovatda yashaymiz?

Aslida shunday adovat, fitnalar bilan bir-birimizning umrimizga zomin bo‘layotgangimizni bilmaymiz. Ertaga biror sabab bilan dunyodan o‘tsang, ana unda ko‘r nomingga yog‘ilgan shirin so‘zu-marsiyalarni…

Odamlar, men sizlardan mehr-muhabbat, oqibat ko‘rgim keladi va sizlarga ham o‘shalarni qaytargim keladi. Va hech qanday shartsiz. Shirin yolg‘onlarsiz, qanday bo‘lsa shundayligicha, ro‘y rost, achchiq haqiqatlar bilan.

Doimo sog‘-salomat bo‘linglar.

Adolatni Uchqo‘rg‘ondan ko‘rsatgan sud tizimi – 2

O‘zbekistondagi sud tizimi nega reforma qilinishi kerakligi haqida boshlab qo‘ygan mavzuni davom ettiramiz. Videolavhaning birinchi qismi havolasi tasvir ostidagi birinchi komentda. Vakolatsiz odam nega ariza ëzadi? Bu xolatdaki paradoks shuki qonunga ko‘ra mutloqo vakolati bo‘lmagan shaxs (Sayfuddinov Sardor) nomidan Bosh prokuraturaga shikoyat ariza tashkillashtirilgan. Davlat ulushi bo‘lmagan tadbirkorlik sub'ekti(aktsionerlik jamiyati) ga nisbatan tadbirkorliksub'ektlarini himoya qiluvchi qonunlar, Prezident qarorlari va farmonlariga zid ravishda tekshirishlar tashkillashtirishib, dastlabki tergov harakatlarini olib borishib, oqibatda 19 nafar (shundan 14 nafari 6 oydan ortiq muddat mobaynida qamoqda saqlanmoqda) malakali mutaxassislar va boshqa ishchilarni jinoiy javobgarlikka tortishgan. .Shamsiddinov va uning qarindosh (“buyurtma jinoyat ishi”ga mutloqo aloqasi bo‘lmagan) larning oddiy qo‘ltaqinchog‘idan tortib, avtomashinasigacha; fermer ho‘jaligi binosidan tortib, turar joyigacha; qonuniy tadbirkorlik sub'ektlarigacha xatlab tashlashgan. ...