Karlov o‘ldirilgan joyda o‘zbek elchisi ham bo‘lgan

Anqaradagi zamonaviy san'at galereyasida rus fotosuratchilarining «Rossiya turklar nigohida» ko‘rgazmasining ochilish marosimida va'z o‘qiëtgan Rossiyaning Turkiyadagi elchisi Andrey Karlov otib o‘ldirildi.

Voqea joyida O‘zbekistonning Turkiyadagi elchisi Ulfat Qodirov ham bo‘lgan. Qotil ilk o‘qni uzgan paytda Qodirov birinchilardan bo‘lib zalni tark qilgan.

Ko‘rgazma bo‘laëtgan zalga «politsiyadanman» deya kirgan zamonaviy kostyum shimli kishi avvaliga osmonga o‘q uzib «daf bo‘ling hammangiz» deya baqirgan. Keyin esa elchining yelkasiga o‘q uzgan.

Qotil elchiga qarab ketma-ket o‘q uzarkan, «Halabda o‘ldirilgan norasida go‘daklar uchun qasos olaman. Ollohu Akbar» deya hayqirgan.

Rossiyaning Turkiyadagi elchisi Andrey Karlov qotillik sodir etilgan payt Tsar pushka va uchta zambarak o‘qi aks etgan rasm fonida nutq so‘zlayotgan edi.

Odamlar zalni tark etganidan keyin qotil elchiga qarab yana o‘q uzgan.

Asnoda qotil turk maxsus kuchlari tarafidan o‘ldirilgan.

Rossiya rasmiy manbalari rus elchisi Andrey Karlovning o‘lganini tasdiqladi.

Eltuz muxbirining aniqlashicha, rus elchisini o‘ldirgan 22 yashar yigitning ismi Mert Oltintosh bo‘lgan. Ba'zi manbalarga ko‘ra, u haqiqatdan ham turk politsiyasi tezkor guruxi zobiti bo‘lgan.

Rossiyaning Suriyada olib boraëtgan harbiy harakatlariga javoban qurolli hujum uyushtirilgani iddao qilinmoqda.

Eltuz.com