Ozodbek Nazarbekov «Yoshlar» telekanaliga raxbar bo‘ldi

O‘zbekiston xalq artisti Ozodbek Nazarbekov 30 iyun kuni “Ëshlar” telekanaliga Bosh direktor etib tayinlandi.

Bu haqda prezident Mirziyoev “Kamolot” yoshlar harakati qurultoyi bilan qo‘shib o‘tkazilgan selektor yig‘ilishida bildirdi.

Shavkat Mirziyoev, shuningdek «Kamolot» tugatilib, o‘rnida O‘zbekiston Yoshlar ittifoqi tuzilganini e'lon qildi.

Endilikda Davlat tashkiloti sanaladigan Yoshlar ittifoqi nufuzi ko‘tarilib, unga «Yoshlar» telekanalining 50 foiz ulushi ham qo‘shib berildi.

Prezident Mirziyoev raxbari etib Nazarbekovning tayinlanishini, telekanalda yoshlarga ta'sir o‘tkaza oladigan shaxs kerakligi bilan izohlagan.

Karimov davrida katta sahnadan «sal chekkaga surilgan» Nazarbekov O‘zbekistonga Shavkat Mirziyoev prezident bo‘lganidan keyin tag‘in yuksala boshlagan, bir qancha san'atkorlar bilan Toshkentdagi katta qurilishlarga hissa qo‘shish «tashabbusi bilan» tanilgandi.

Shuningdek, yaqinda uning Davlat idoralari korporativ bazmlarida xonandalar xizmatidan bepul foydalanilishi haqidagi shikoyati haqida Eltuz nashrida maqola chop etilgandi.

2 iyun kuni «O‘zbekkontsert» idorasi yig‘ilishida Nazarbekov Madaniyat vazirligida maxsus tijorat bo‘limi ochish va artistlarning korporativlardagi xizmat haqini shu bo‘lim orqali to‘lash taklifini kiritgandi.

1974 yilndijonda tug‘ilgan Ozodbek Nazarbekov Toshkentdagi San'at institutini tugatgan yakkaxon san'atkordir.

2007 yili u O‘zbekiston xalq artisti, 2012 yili Qoraqalpog‘iston xalq artisti unvonlarini olgan.

Eltuz.com