O‘zbek fohishalari Istanbul politsiyasi o‘qidan yaralandi

Istanbulning Pendik tumanida o‘zbek fohishalari va politsiya o‘rtasida yuz bergan qochdi-quvdida ikki aël yaralandi. Hurriyat gazetasi muhbiri Muslim Sariërning ëzishicha, ikki o‘zbek aëli fohishalik qilaëtganda ushlanib mashinaga solinib tergov idorasiga olib kelingan. Foto: Kocaeli gazetasidan

Tergov idorasining oldidagi mashinaga bu ikki o‘zbek aëlning sheriklari hujum qilib, ularni qutqarib o‘z mashinasiga solib olib ketgan. Turk politsiyasi ularga qarata o‘t otgani oqibatida ikki o‘zbek aëli yaralangan.

Nima bo‘lgan edi?

Istanbul politsiyasi 30 yashar o‘zbekiston vatandoshlari M.A va D.A. ismli qizlarni o‘z tanini sotaëtganida ushlab Pendik Davlat Xastaxonasiga tibbiy nazorat uchun keltirgan.

Nazoratdan so‘ng politsiya ma'muri bu ikki o‘zbek aëlni tergov idorasiga olib kelgan. Hurriyat gazetasining ëzishicha, avtomobilni boshqaraëtgan politsiya ma'muri o‘zining ta'qib qilinaëtganligini sezgan. U mashinani to‘xtatgan zahoti mashina ichidagi o‘zbek aëllar chiqib qochishgan. Ular o‘zlarini kutib turgan avtomobilga o‘tirib voqea joyidan g‘oyib bo‘lishgan. Politsiya zobiti o‘zbek aëllari tushgan avtomobil ortidan o‘q uzgan.

O‘q tekkan o‘zbek fohishalarini kasalxonaga tashlab ketishgan

Pendik tuman tezkor politsiyasi fohishalarni olib qochgan avtomobil hususiy kasalxona oldida turganligini ko‘rishdi.

Kasalxona tekshirilganida u yerda o‘zbek fohishalari yaralangan holda tashlab ketilganligini ko‘rishdi.

Yaralangan tarzda kasalxonada ëtgan o‘zbek fohishalari politsiya nazoratiga olindi.

Bugunga kelib, o‘zbek fohishalarini qochirgan kishi ham qo‘lga olingan.

Turk politsiyasi ma'lumotiga ko‘ra, Istanbuldagi reydlar chog‘ida o‘nlab o‘zbek fohishalari qo‘lga olinib O‘zbekistonga deportatsiya qilingan.

Eltuz.com