Muhammad Solih Interpol qidiruv ro‘yxatidan chiqarildi

O‘zbekiston muxolifati lideri Muhammad Solih Interpol qidiruv ro‘yxatidan chiqarildi. Bu haqda Muhammad Solihning o‘zi Eltuz muxbiriga aytib berdi.

Solihga ko‘ra, o‘tgan hafta O‘zbekiston ichki ishlar vazirligiga oid binolarda osilgan qidiruv ro‘yxatlaridan uning va ukasi Maqsud Bekjonning ismi olib tashlangan.

Solihning aytishicha, Interpol qidiruv ro‘yxatidan ham uning ismi olib tashlangan.

Eltuz muxbiri yakshanba kuni Intrepolning internetdagi sahifasiga kirib, haqiqatdan ham Muhammad Solihning ismi yo‘kligini ko‘rdi. O‘tgan hafta ayni sahifada Muhammad Solihning ismi qidiruv ro‘yxatida mavjud edi. Hozir Turkiyada istiqomat qilayotgan 68 yashar Muhammad Solih 1999 yil Toshkentdagi fevral portlashlari ortidan 15,5 yilga hukm qilingan va xalqaro qidiruvga berilgan edi.

2001 yili u o‘zbek hukumati so‘roviga ko‘ra, Praga aeroportida ushlangan, biroq, Praga sudi ish siyosiy dastaklanganini hisobga olib Solihni O‘zbekistonga ekstraditsiya qilish qaroridan voz kechgan edi.

Karimov o‘limidan so‘ng, O‘zbekiston siyosiy rejimida ozroq yumshash kuzatilmoqda.

Shu yilning fevralida Solihning ukasi Muhammad Bekjon 17 yillik jazodan so‘ng turmadan ozod qilindi. Uni fevral portlashlariga aloqadorlikda ayblab qamashgan, biroq bu ayblov hech bir isbotini topmagan edi.

1990 yili Muhammad Solih «Erk» Demokratik partiyasiga asos soldi. U O‘zbekistonda prezidentlik saylovlarida ishtirok etgan Islom Karimovning yagona real siyosiy muxolifi hisoblanadi.

Eltuz.com