Toshturmada qolaëtgan ëzuvchi 159 da ayblandi

28 sentyabr kuni o‘tgan brifingda Toshkent shahar IIB Tergov boshqarmasi boshlig‘i Doniyor Toshxo‘jaev, yozuvchi Nurillo Otaxonovga 11 may kuni sirtdan jinoyat kodeksining 159-moddasi (Konstitutsion tuzumga tajovuz) bo‘yicha jinoyat ishi ochilganini bildirdi.

Toshxo‘jaevdan iqtibos keltirib, Gazeta.uz nashrining yozishicha, yozuvchiga 159 moddaning 1 qismi, 244-1 moddaning 3 qismi, «g» bandi yuzasidan tergov amaliyoti o‘tkazilgan, shuningdek sirtdan qamoqqa olish chorasi belgilangan va qidiruv e'lon qilingan.

Brifingda shuningdek Toshxo‘jaev, hozircha surishtiruv davom etayotgani, kerak bo‘lsa qo‘shimcha ekspertiza tayinlanishini. Agar sudlanuvchining aybi tasdiqlanmasa yoki uning harakati amnistiya aktiga tushadigan bo‘lsa qonunga ko‘ra qaror qabul qilinishini aytgan.

Ayblov o‘z tasdig‘ini topadigan bo‘lsa, Nurillo Otaxonov 5 yildan 8 yilgacha qamalishi mumkin.

27 sentyabr kuni Turkiyadan Toshkentga kelgan 63 yashar yozuvchi qo‘liga kishan solinib, transport prokuraturasi talabi bilan Yashnaobod tuman ichki ishlar bo‘limiga olib ketilgan edi, oradan ko‘p o‘tmay u Toshturmaga o‘tkazildi.

Nurilla Otaxonov Toshkentga qaytish arafasida «Eltuz» nashriga bergan intervyusida prezident Mirziyoevning va'dalaridan ruhlanib qaytishga chog‘langanini bildirgandi.

«Eltuz» nashri vaziyatni kuzatishda davom etmoqda.

Eltuz.com