O‘zbek dissidenti Murod Jo‘raev vafot etdi

O‘zbek qamoqxonasida 21 yil ëtgan dissident, qashqadaryolik Murod Jo‘raev 65 yoshida 4 dekabr kuni vafot etdi.

«Erk» demokratik partiyasi faoli bo‘lgan Murod Jo‘raev 80-yillarda Muborak shahri ijroqo‘mi raisi lavozimida ishlagan, 1990 yili O‘zbekiston parlamenti deputati etib saylangan edi.

1995 yili Murod Jo‘raev 159-modda bo‘yiyacha konstitutsiyaviy tuzumga tajovuzda ayblanib, 12 yilga mahkum etilgan. Biroq u 21 yil qamoqda qoldi, 2015 yilning noyabr oyida ozod qilindi.

Murod Jo‘raevga ikki yil davomida viza berishmagan. O‘XH sayti unga o‘limidan oldin horijda davolanib kelish uchun ruhsat berilganini bildirdi, ammo u davolanishga ulgura olmadi…

«Eltuz» nashri marhum dissidentning oila a'zolari va do‘stlariga chuqur ta'ziya bildiradi.

Eltuz.com

Marhuma shoira Gulchehra Nurullaeva «Buguni bor, ertasi yo‘qlar» haqida

Shoira Gulchehra Nurullaeva bilan suhbat, 1988 yil. — Gulchehra opa, hozir qayta qurish davrida yashayapmiz. Suhbatimizni shu mavzudan boshlasak. — Men qayta qurishni o‘zim uchun yangilik deb bilmayman. Endi o‘ylasam, urush yillari qandaydir «xundori» tayyorlab, mahallamiz bolalarini tekinga davolaydigan otam, so‘nggi burdani «non»lab ortidan ergashibyurgan qiziga emas, qo‘shnining ochdan o‘layotgan bolasiga olib chiqqan onam qayta qurish odamlari ekanlar. Bir voqeani eslasam, ko‘zimga hali-hali yosh qalqadi. 1956 yil. O‘ninchini endigina bitirganman. Maktabimiz direktori Hafiz Yengalichev menga: — Seni Moskvaga, MGUga ...