Ma'rifat ko‘chasidagi fohishaxona ëpildi

Peterburgda istiqomat qiladigan o‘zbek muhojiriga ko‘ra, bu ikki fohishaxonada asosan o‘zbek qizlari ishlagan.

Agar Piterdagi o‘zbeklardan Prosveщeniya ko‘chasi 33 uy haqida so‘rasangiz, ular bu yerda soatiga ikki ming rus rubli berib qizlar bilan dam olish mumkinligini sizga aytishadi.

Hatto ko‘chadagi asfaltga o‘zbekcha reklama trafaret orqali tushirib qo‘yilgan. Bu reklamada “qizlar” deb o‘zbekcha ëzilgan va ënida telefon nomeri bor.

“Men telefon qilsam bitta xorazmlik qiz telefonni ko‘tardi. U qiz bir soat dam olish 2500 rubl deb narxni balandroq aytdi” deydi Eltuz manbasi.

Uning aytishicha, seshanba kuni bu islovatxonani politsiya bosib o‘nga yaqin qiz va ularga qorovullik qilgan yigitlarni olib ketishgan.

Bu Piterda yopilgan o‘zbeklarning ilk islovatxonasi emas, Rossiya matbuoti shu yilning 15 noyabrida Xerson ko‘chasida joylashgan foxishaxonaning yopilgani, u yerda O‘zbekiston fuqarosi bo‘lga, tug‘ilgan yili 1960, 1982 va 1984 qizlarga ma'muriy chora ko‘rilgani haqida yozgan edi.

Sankt-Peterburg shahri Rossiyadagi o‘zbeklar zich yashaydigan shaharlardan biri.

2010 yilgi perepis paytida shaharda 20 345 o‘zbek yashashi qayd qilingan. Ayni paytda shahardagi o‘zbeklar soni haqida turli raqamlar mavjud. Ba'zi norasmiy ma'lumotlarga ko‘ra shaharda 850 000 o‘zbek istiqomat qiladi.

Zarif Matyoqubov
Eltuz.com