Endi folbinlar va ularning mijozlari qonunan jazolanadi

Tojikistonda folbin va sehrgarlarga murojaat qilganlar va ularning xizmatlaridan foydalangan mijozlar uchun ma'muriy javobgarlik joriy etildi.

Bunday xizmatlarga murojaat qilgan fuqarolar 3750 somoniy (396 dollar)dan 4500 somoniy (475 dollar)gacha jarimaga tortiladi.

Shuningdek, Tojikistonda folbinlik va sehrgarlik bilan shug‘ullanganlik uchun jazo kuchaytirilgan.

Parlament bunday xizmatlar uchun jarimani qariyb 800 dollargacha oshirdi va 10 kundan 15 kungacha ma'muriy qamoqqa olishni joriy qildi.

Agar jinoyat takroran sodir etilsa, bu kattaroq jarima yoki bir yildan ikki yilgacha ozodlikdan mahrum qilish bilan jazolanadi.

O‘zbekistonda ham shunday qonunga ehtiyoj bormi?