Prezidentlikka nomzodlar nega sust bo‘ldi?

“Milliy tiklanish” gazetasi “Milliy tiklanish” demokratik partiyasidan prezidentlikka nomzod bu saylovda ishtirok etishga rag‘bat ko‘rsatmaganini yoki unga faol bo‘lishga “yuqoridan” ruxsat etilmaganini bilvosita ko‘rsatuvchi raqamlarni e'lon qilib qo‘ydi.

Gazetaning yozishicha, 2015 yilgi prezident saylovida qatnashadigan partiya nomzodiga tashviqot olib borish uchun ajratilgan mablag‘ning bor-yo‘g‘i 289 million so‘mi sarflangan. Bu pulning juda katta qismi, ya'ni 553 milion so‘mdan ortig‘idan foydalanilmagan va u Markaziy saylov komissiyasi hisob raqamiga qaytarib berilgan.

Umuman, partiyalarning e'lon qilinayotgan hisobotlarida prezident saylovida ishtirok etish uchun davlat tomonidan ajratilgan katta mablag‘ning asosiy qismidan foydalanilmaganini ko‘rish mumkin. Bu esa erkin kuzatuvchilarning prezidentlikka nomzodlar faqat qo‘g‘irchoq rolini o‘ynab bergani to‘g‘risidagi fikrlarini tasdiqlaydi.

Eltuz.com