O‘zbek tarmog‘ida Johar Dudaev o‘gitlari paydo bo‘ldi

«Agar hozirgi otalarning qo‘rqoqligi ehtiyotkorlik deb atalsa, albatta, shunday vaqt keladi, bolalarning qulligi sadoqat deb ataladi».

Chechenistonning birinchi prezidenti, marhum Johar Dudaevning bu so‘zlari 5 may kuni Rossiyada Putinga qarshi «U bizga podsho emas» (On nam ne tsar)shiori ostida o‘tkazilgan namoyishlarning bostirilishi ortidan ijtimoiy tarmoqda o‘zbeklarning sustligiga ishora tarzida bot-bot takrorlanmoqda.

Masalan, jurnalist Karim Bahriev, kinorejissyor Abdulaziz Mahmudov bu so‘zlarni ko‘chirib, feysbukdagi o‘z lentalariga qo‘yishdi.

Dudaev iqtibosi Toshkentdagi 9 may oldidan o‘tkazilayotgan rossiyaparast guruhlarning aktsiyalariga qarshi ishora tarzida ijtimoiy tarmoqda paydo bo‘lgan edi.

«Erta tongdan yaxshi bir insonning o‘ta noyob fikriga duch keldim. Bu insonni oxirgi rus imperiyasining bizning oramizdan yulib olingan eng buyuk qurbonlardan biri, desak bo‘ladi. Mana uning bizlar uchun qoldirgan so‘zlari: «Yesli trusost nыneshnix ottsov nazыvayut ostorojnostyu, obyazatelno nastupit vremya, kogda rabstvo detey nazovut predannostyu». J.Dudaev.

«Agar hozirgi otalarning qo‘rqoqligi ehtiyotkorlik deb atalsa, albatta, shunday vaqt keladi, bolalarning qulligi sadoqat deb ataladi. J.Dudaev», deya izoh yozdi, jumladan, 3 may kuni Dudaev so‘zlarini tarjima qilib feysbuk sahifasiga qo‘ygan o‘zbek psixolog olimi Mahmud Yo‘ldoshev.

Eltuz.com